Plantun de Prouvènço

Pèr coumpara dos planto d'encò nostre

Salix caprea & Pseudoturritis turrita

Amarinas

Salix caprea

Salicaceae

Àutri noum : Gourret, Gourrié, Gourro.

Noms en français : Saule marsault, Saule des chèvres.

Descripcioun :
L'amarinas es un aubret o un pichot aubre (fin qu'à 8 m d'aut) gaire coumun au nostre aleva au levant de Prouvènço. Se recounèis à si fueio larjo, verdo dessubre e pelouso, blanco, dessouto. Quouro es un aubret se pòu engana emé l'orle, Salix cinerea mai pèr aquéu si fueio soun larjo vers lou bout alor que pèr l'amarinas, lou mai larg s'atrobo au mitan. En mai d'acò l'orle èi pelut sus li ramo. Coumpara emé l'orle.

Usanço :
Lou bos, dur, servié pèr la fabricacioun d'óutis pèr lou travai di champ : dènt de rastèu, palissoun, poustèu... Tóuti li rusco de sause caupon de salicino que douno d'acide salicilì dins lou cors, ço qu'ajudo à abeissa li fèbre.

Port : Aubre
Taio : 1,5 à 8 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Salix
Famiho : Salicaceae

Ordre : Malpighiales

Coulour de la flour : Jauno
Petalo : ges
Ø (o loungour) enflourejado : 4 à 5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Bos umide
Estànci : Mesoumediterran à Mountagnard
Couroulougi : Éurasiatico
Ref. sc. : Salix caprea L., 1753

Arabeto(-majo)

Pseudoturritis turrita

Brassicaceae Cruciferae

Nom en français : Arabette tourette.

Descripcioun :
Grando (10 à 80 cm) arabeto di proun coumuno que se recounèis à si gràndi flour blanco, e peréu subretout quouro es en fru qu'a de gràndi boudousco tóuti virado d'un meme coustat. Li grano soun alado (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Pseudoturritis
Famiho : Brassicaceae
Famiho classico : Cruciferae

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Colo - Basso mountagno - Roucaio
Estànci : Subremediterran à Mountagnard
Couroulougi : Pancaro entresigna
Ref. sc. : Pseudoturritis turrita (L.) Al-Shehbaz, 2005 (= Arabis turrita L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Salix caprea & Pseudoturritis turrita

ges

Coumpara Amarinas emé uno autro planto

Coumpara Arabeto(-majo) emé uno autro planto